विपद् उद्धारमा खटिएका सशस्त्र प्रहरीका कर्मचारीको ज्यान गएमा एक तह बढुवासहित आश्रित परिवारले पेन्सन पाउने भएका छन् ।

अस्ति मङ्गलवार बसेको मन्त्रिपरिषद् बैठकले सशस्त्र प्रहरी नियमावलीको चौथो संशोधन गरेसँगै यो व्यवस्था लागू भएको हो । यसअघि कुनै प्रकारको मुठभेड वा आक्रमण वा विस्फोट तथा हतियारधारी समूह वा त्यस्तै अन्य समूहविरुद्धको कारबाहीमा तत्काल वा त्यही कारणले ज्यान गएमा मात्रै यस्तो सुविधान दिने उल्लेख थियो । त्यसमा विपद्मा खटिँदाको अवस्था पनि थपिएको हो ।